पोखरा, माघ १८
नेपाली साहित्यको लोकप्रिय विधा मुक्तकको संरक्षण, प्रवर्द्धन तथा विकासका लागि मुक्तक मञ्च केन्द्रीय समिति द्वारा आयोजित ‘मुक्तक दिवस’ विशेष कार्यक्रम पोखरामा भव्य रूपमा सम्पन्न भएको छ ।
कार्यक्रमका प्रमुख अतिथि वरिष्ठ साहित्यकार सरुभक्त श्रेष्ठ हुनुहुन्थ्यो भने विशेष अतिथिहरूमा वरिष्ठ कवि तिर्थ श्रेष्ठ, गायिका तथा कवि हरिदेवी कोइराला, समाजसेवी तथा पूर्व सिडिओ सुर्य प्रसाद भण्डारी रहनुभएको थियो । साथै, कवि लक्ष्मण थापा र मुक्तक मञ्चका निवर्तमान अध्यक्ष रामजी प्रसाद आचार्य समेतको गरिमामय उपस्थिति रहेको थियो ।
करिब चार दर्जन मुक्तककारहरू सहभागी भएको कार्यक्रममा वक्ताहरूले नेपाली मुक्तकको संरक्षण, प्रवर्द्धन र विकासमा थप योगदान आवश्यक रहेको धारणा राखे । मुक्तक मञ्चले आगामी दिनमा मुक्तक वाचन, अन्तरक्रिया, अध्ययन, अनुसन्धान तथा विविध साहित्यिक गतिविधिहरूलाई निरन्तरता दिने प्रतिबद्धता व्यक्त गर्यो ।
कार्यक्रमकी अध्यक्ष अम्बिका भण्डारी रहनुभएको थियो भने सञ्चालन महासचिव श्रद्धा आचार्यले गर्नुभएको थियो । स्वागत मन्तव्य संस्थाकी वरिष्ठ उपाध्यक्ष अम्बिका ओझाले राख्नुभएको थियो ।
साहित्यप्रेमीहरूको उल्लेखनीय सहभागिता रहेको यस कार्यक्रमले नेपाली मुक्तक साहित्यलाई थप उचाइमा पुर्याउने अपेक्षा गरिएको छ ।
No comments:
Post a Comment